Չինաստանը ՌԴ-ին կոչ է արել ուժեղացնել համացանցի նկատմամբ վերահսկողությունը
Բրիտանական Reuters լրատվական գործակալության փոխանցմամբ՝ Չինաստանը Ռուսաստանին ու ՇՀԿ-ի գծով մյուս գործընկերներին կոչ է արել ուժեղացնել վերահսկողությունը համացանցի նկատմամբ և ձեռնարկել այլ միջոցներ՝ իրենց երկրներում հեղափոխություններ հրահրելու արտաքին ուժերի փորձերին դիմակայելու համար:
Չինաստանի հասարակական անվտանգության նախարար Գո Շենկունը ՇՀԿ-ի գծով իր գործընկերների հետ հանդիպման ժամանակ հայտարարել է, որ արտաքին ուժերն օգտագործում են սոցիալ-տնտեսական հակասությունները և իշխանափոխության խնդիրները՝ փորձելով առաջացնել «գունավոր հեղափոխությունների» նոր ալիք:
Նախարարի խոսքերով՝ դա լուրջ սպառնալիք է տարածաշրջանի երկրների ինքնիշխանության ու անվտանգության համար, որը հարուցում է ՇՀԿ-ի երկրների ընդհանուր մտահոգությունը:
Գո Շենկունը ՇՀԿ-ի երկրներին կոչ է արել միջոցներ մշակել արտաքին ուժերի կողմից երկրի ներքին գործերին միջամտելու փորձերին դիմակայելու, հասարակական կազմակերպությունների ու սոցցանցերի նկատմամբ վերահսկողությունն ուժեղացնելու համար:
