Մարկեսին հրաժեշտ տալու արարողությունը Մեխիկոյում կանցկացվի ապրիլի 21-ին
Ռուսական ИТАР-ТАСС լրատվական գործակալության փոխանցմամբ՝ երեկ վախճանվել է կոլումբիացի հանրահայտ գրող Գաբրիել Գարսիա Մարկեսը: Նրան դիակիզելու են Մեքսիկայի մայրաքաղաք Մեխիկոյում:
Այս մասին հայտարարել է Գեղարվեստի ազգային ինստիտուտի տնօրեն Մարիա Սեպեդան, ով այդ հայտարարությունը տարածել է հանրահայտ գրողի ընտանիքի անդամների անունից: Նա մանրամասնել է, որ դիակիզման արարողությունը չի կատարվի հանրության առջև:
87 տարեկանում վախճանված, Նոբելյան մրցանակի դափնեկիր Մարկեսին հրաժեշտ տալու արարողությունը Մեխիկոյում կանցկացվի ապրիլի 21-ին: Մարկեսի մահվան պատճառների մասին բժշկական եզրակացությունը կհրապարակվի ավելի ուշ:
