ՌԴ Պետդուման իր դիտորդներին չի ուղարկի Ուկրաինայի նախագահական ընտրություններին
Ռուսական Интерфакс լրատվական գործակալության փոխանցմամբ՝ Ռուսաստանի Պետդուման իր դիտորդներին չի ուղարկի Ուկրաինայի վաղաժամ նախագահական ընտրություններին: Այս մասին այսօր հայտարարել է ՌԴ Պետդումայի՝ ԱՊՀ-ի հարցերով հանձնաժողովի նախագահ Լեոնիդ Սլուցկին:
Նա հայտարարել է, որ իրենք չեն ճանաչում այդ ընտրությունները: Նա հիշեցրել է, որ ռուս պատգամավորները ոչ լեգիտիմ են համարում Ուկրաինայում ներկայիս ղեկավարության իշխանության գալը. «Ուկրաինայում և առաջին հերթին Կիևում այսօր տեղի ունեցող իրադարձությունները հիմնականում գտնվում են իրավական դաշտից դուրս»:
Ուկրաինայում նախագահական ընտրություններն անցկացվելու են մայիսի 25-ին:
