Ճապոնիայի ՊՆ-ը հրաման է արձակել անհրաժեշտության դեպքում ԿԺԴՀ-ի հրթիռները ոչնչացնելու մասին
Ճապոնական NHK հեռուստաընկերության փոխանցմամբ` Ճապոնիայի պաշտպանության նախարար Իցունորի Օնոդերան հրաման է արձակել հյուսիսկորեական հրթիռները կամ դրանց բեկորները ոչնչացնելու մասին, եթե դրանք սպառնան Ճապոնիայի տարածքին:
Հրամանն արձակվել է դեռևս հինգշաբթի, սակայն երկրի կառավարությունը չի հրապարակել այն` թաքցնելու համար իր ձեռնարկած միջոցները: Հրամանը գործելու է մինչև ապրիլի 25-ը, երբ ԿԺԴՀ-ում նշում են Ժողովրդական բանակի հիմնադրման օրը:
Հրամանը կատարելու համար Ճապոնական ծովում պարեկություն են կատարելու էսկադրոնային ականակիրները, որոնք ունեն Aegis համալիրներ: Նշվում է, որ Ճապոնիայում նմանատիպ հրաման արձակվել էր նախորդ տարվա ապրիլին, երբ գործարկվել էին Patriot (РАС3) շարժական զենիթա-հրթիռային համալիրները:
ԿԺԴՀ-ը մարտի վերջին երկու անգամ հրթիռներ էր արձակել Ճապոնական ծովի ուղղությամբ:
