Չեչնիայում հետևակի մարտական մեքենայի պայթյունի հետևանքով զոհվել է 4 զինծառայող
Ռուսական РИА Новости լրատվական գործակալության փոխանցմամբ՝ երեկ Չեչնիայում քողարկված պայթուցիկի վրա պայթել է հետևակի մարտական մեքենա: Դրա հետևանքով զոհվել է 4 և վիրավորվել է 7 զինծառայող: Այս մասին հայտնել է ՌԴ ՆԳՆ-ը:
Վերջինիս հաղորդմամբ՝ հետևակի մարտական մեքենայի պայթյունը գրանցվել է այն ժամանակ, երբ նա իրականացրել է տեղանքի ինժեներային հետախուզում: Վիրավոր զինծառայողներին հոսպիտալացրել են Գրոզնիում: Չեչնիայում միջադեպի կապակցությամբ հարուցվել է քրեական գործ:
