ՆԱՏՕ-ն չի դիտարկում Ուկրաինայի անդամակցության հնարավորությունը. Սիկորսկի
Ուկրաինական UNIAN լրատվական գործակալության փոխանցմամբ՝ Լեհաստանի արտգործնախարար Ռադոսլավ Սիկորսկին հայտարարել է, որ ՆԱՏՕ-ն չի դիտարկում Ուկրաինայի անդամակցության հնարավորությունը.
«ՆԱՏՕ-ն ցանկանում է իր շարքերում ունենալ միայն նրանց, ովքեր իրականում ցանկանում են հանդիսանալ դաշինքի անդամ և ովքեր մեծացնում են այդ միավորման անվտանգությունը: Դրա համար էլ այսօր ՆԱՏՕ-ի օրակարգում չէ Ուկրաինայի թեման»:
Սիկորսկին կարծում է, որ Ռուսաստանը նպատակ է հետապնդում զավթել Ուկրաինայի հարավ-արևելյան մարզերը, ինչի մասին նախօրեին հայտարարել է Եվրոպայում ՆԱՏՕ-ի Միացյալ ուժերի գլխավոր հրամանատար, գեներալ Ֆիլիպ Բրիդլավը. «Երեք ամիս դուք կպատկերացնեի՞ք, որ Ռուսաստանը կզավթի Ղրիմը»:
Սիկորսկին հավելել է, որ Լեհաստանը չի պլանավորել մոտ ժամանակներս համատեղ զորավարժություններ անցկացնել Ուկրաինայի հետ:
