Ուկրաինայի Գերագույն ռադան որոշում է ընդունել ապօրինի զինված խմբավորումների անհապաղ զինաթափման մասին
Ուկրաինական UNIAN լրատվական գործակալության փոխանցմամբ՝ Ուկրաինայի Գերագույն ռադան ընդունել է «Ուկրաինայում ապօրինի զինված խմբավորումների անհապաղ զինաթափման մասին» որոշումը: Այդ որոշման օգտին քվեարկել է խորհրդարանի նիստերի դահլիճում գրանցված 303 պատգամավորից 256-ը:
Որոշման մեջ ընդգծվում է, որ Գերագույն ռադան Ուկրաինայի ՆԳՆ-ին ու անվտանգության ծառայությանը պարտադրում է զինաթափել ապօրինի խմբավորումներին և ապօրինի զինված առանձին քաղաքացիներին՝ ելնելով նրանից, որ Ուկրաինայում գնալով էլ ավելի է սրվում քրեական իրավիճակը:
Գերագույն ռադայի այդ որոշումն ուժի մեջ է մտել ընդունման պահից սկսած:
