«Նախագահը երևի տեղյակ է, ես տեղյակ չեմ». «Ժամանակ»
«Ժամանակը» գրում է. ԱԺ սոցիալական հարցերի մշտական հանձնաժողովի նախագահ, ՀՀԿ խմբակցության պատգամավոր Հակոբ Հակոբյանը պարտադիր կենսաթոշակային համակարգի հարցում ակնակալում է ՍԴ որոշում, ուրիշ ոչինչ։ «Ժամանակի» դիտարկմանը, թե ԱԺ նախագահն ասել է, որ փոփոխություն լինելու է, ասաց. «Նախագահը երևի տեղյակ է, ես տեղյակ չեմ»։ Իսկ հարցին ի պատասխան՝ արդյոք «ԴԵմ եմ» շարժումը իշխանությունների մոտ մտավախություն չի՞ առաջացնում, Հ. Հակոբյանն ասաց. «Իշխանություններն ի՞նչ են անում, որ մտահոգություն առաջանա, իշխանություններն ուզում են հասարակության համար բարձր կենսաթոշակ ապահովել»։ Մեր հիշեցմանը՝ հասարակության 80 տոկոսը, նախագահի խոսքերով, դրան դեմ է, Հակոբյանն արձագանքեց. «Դա չի նշանակում, որ իշխանությունը բարձր կենսաթոշակ չպետք է ապահովի, նախագահի ծրագրում կա»։
Կարդացեք «Ժամանակի» այսօրվա համարում։
