Ուկրաինան երկրի տարածքային ամբողջականության պաշտպանության վերաբերյալ բանաձևի նախագիծ է ներկայացրել ՄԱԿ-ին
Ուկրաինան ՄԱԿ-ի Գերագույն վեհաժողովի քննարկմանն է ներկայացրել երկրի տարածքային ամբողջականության պաշտպանության մասին բանաձեւի նախագիծ, հաղորդում է ԻՆՏԵՐՖԱՔՍ գործակալությունը:
Նախագիծն արդեն ակտիվ քննարկվում է ՄԱԿ-ում, ասել է Ուկրաինայի ԱԳՆ ներկայացուցիչ Եվգենի Պերեբիյնիսը: Նրա խոսքով` Ուկրաինան ՄԱԿ-ի գլխավոր վեհաժողովին առաջարկում է միջազգայնորեն ճանաչված սահմանների շրջանակում հաստատել երկրի ինքնիշխանությունը, անկախությունն ու տարածքային ամբողջականությունը: Բացի այդ, նախագծով առաջարկվում է նաեւ ոչ լեգիտիմ ճանաչել Ղրիմի հանրաքվեն:
