Այս գարնան ամենանորաձև ու յուրօրինակ արևային ակնոցները (լուսանկարներ)
Այս տարի գարունն անսպասելի կերպով է «մտել» իր օրացուցային ռեժիմի մեջ: Արևի առաջին շողերը վայելելու համար կարող են օգտակար լինել տարբեր դիզայներների կողմից այս տարի ներկայացվող նորաձև արևային ակնոցները: Այս մասին գրում է elle.ru կայքը:
Դասականը, ինչպես միշտ, արդիական է, սակայն, եթե ցանկանում եք հետ չմնալ նորաձևության ավանգարդ միտումներից, ապա խորհուրդ է տրվում ընտրել վառ գույնի շրջանակներով, գունավոր ապակիներով ակնոցներ:
Նորաձևության օրենսդիրներից մեկը համարվող Միուչա Պրադան այս տարի շեշտը դրել է ակնոցների նյութերի և ձևի կոնտրաստի վրա՝ ներկայացնելով բարակ մետաղների ծավալային պլաստիկայի և դասականի համակցմամբ պատրաստված ակնոցներ:
Bosco խանութներում ներկայացված նոր՝ «Woodeez» ապրանքանիշն ակնոցների պատրաստման համար ընտրել է անսովոր և էկոլոգիապես մաքուր նյութեր: Փայտյա շրջանակները բավական յուրահատուկ և նրբաճաշակ տեսք ունեն:
Յուրահատուկ են նաև Լոնդոնում «Alessandro Maqueen»-ի հետ աշխատող հոնկոնգյան դիզայների պատրաստած Six Lee ակնոցները:
Մարտյան նորույթների շարքում առանձնանում են նաև հոլիվուդյան աստղերի սիրելի, ձեռքագործ Illesteva ակնոցները (այն կրում են Բեյոնսեն, Լեդի Գագան, Ջուլիա Ռոբերտսը և այլք), ինչպես նաև՝ լոնդոնյան դիզայներ Լինդա Ֆերրոուի՝ ամբողջ աշխարհում հայտնի, 70-ականների ոճով պատրաստված ակնոցները:
