Ովքեր են ներդրում կատարում Հայաստանի պետական պարտատոմսերում
ՀՀ Կենտրոնական բանկի հրապարակած տվյալների համաձայն՝ ՀՀ պետական պարտատոմսերում կատարված ներդրումների ծավալը 2014թ. հունվարի վերջի դրությամբ կազմում է 275 միլիարդ 84 միլիոն դրամ։ Այդ ծավալից ավելի քան 169 միլիարդ դրամը բաժին է ընկնում ՀՀ առևտրային բանկերին։
Երկրորդ տեղում Կենտրոնական բանկն է, որը գնել է 75.5 միլիարդ դրաամի պարտատոմսեր։ Բանկ չհանդիսացող ներդրողներին բաժին է ընկնում 29.7 միլիարդ դրամ։
Եվս 669 միլիոն դրամ ՀՀ պետական պարտատոմսերում ներդրել են ՀՀ ռեզիդենտ չհանդիսացող կազմակերպությունները։ Նշենք, որ այս տվյալները չեն ներառում եվրապարտատոմսերը։
