Fateh սուզանավը Իրանի ռազմածովային ուժերի կազմում կընդգրկվի մայիսին
Իրանական Press TV հեռուստաալիքի փոխանցմամբ` Fateh («Նվաճող») սուզանավը Իրանի ռազմածովային ուժերի կազմում կընդգրկվի մայիսին: Այս մասին երեկ հայտարարել է Իրանի պաշտպանության նախարար Հուսեին Դեհգհանը:
Վերջինիս խոսքերով` սուզանավն արդեն իսկ անցել է անհրաժեշտ փորձարկումները, հայտնաբերված թերությունները շտկվել են: Նախարարը հավելել է, որ սուզանավն Իրանի ռազմածովային ուժերի կազմում ամենայն հավանականությամբ կհայտնվի մայիսի 24-ին:
Իրանը 1992 թվականից արտադրում է տանկեր, զրահատրանսպորտներ, հրթիռներ, ռադարներ, սուզանավեր ու կործանիչ ինքնաթիռներ:
Հիշեցնենք, որ Իրանը Fateh սուզանավը ներկայացրել էր փետրվարի սկզբին:
