Ուկրաինան հաջորդ շաբաթ ԵՄ-ից կստանա 1.6 միլիարդ եվրո. Բառոզու
Ուկրաինական UNIAN լրատվական գործակալության փոխանցմամբ՝ Եվրահանձնաժողովի նախագահ Ժոզե Մանուել Բառոզուն հայտարարել է, որ Ուկրաինան արդեն մարտի 19-ին կարող է ստանալ ԵՄ-ի հատկացրած 1 միլիարդ եվրոն, ինչը կհավելվի սրանից առաջ հատկացրած 610 միլիոն եվրոյին:
Բառոզուն այս մասին հայտարարել է Եվրախորհրդարանում տեղի ունեցած «Ռուսաստանի ներխուժումն Ուկրաինա» խորագրով լսումների ժամանակ: Բառոզուն մանրամասնել է, որ հաջորդ շաբաթ Ուկրաինային ԵՄ-ի մակրոֆինանսական օգնության ծավալը կկազմի 1.6 միլիարդ եվրո.
«Դա շատ հստակորեն վկայում է Ուկրաինայի ժողովրդին մեր օգնության ու համերաշխության մասին՝ հաղթահարելու համար կարճաժամկետ տնտեսական խնդիրները»: Ընդհանուր առմամբ, ԵՄ-ն Ուկրաինային հատկացնելու է 11 միլիարդ եվրո:
