Ադրբեջանում հստակեցվում է պահեստազորի կրտսեր սպաների ցուցակը
Ադրբեջանական APA լրատվական գործակալության փոխանցմամբ՝ Ադրբեջանում հստակեցվում է պահեստազորի կրտսեր սպաների ցուցակը: Նրանց կանչում են Զորակոչի ու զորահավաքի պետական ծառայության տարածքային բաժանմունքներ, որտեղ պարզում են նրանց գրանցման վայրը, ինչպես նաև կատարում են հաշվառված փաստաթղթերի ճշգրտում:
Ճշգրտումներից հետո Ադրբեջանի պաշտպանության նախարարությունն ու ռազմական մյուս գերատեսչություններն իրականացնելու են պահեստազորի սպաների ընդհանուր հավաք:
Համահանրապետական մակարդակի հավաքի ժամանակ սպաները պայմանական «տագնապի» ազդանշանով կանչվելու են Զորակոչի ու զորահավաքի պետական ծառայության տարածքային բաժանմունքներ՝ համաձայն իրենց գրանցման վայրի:
Հիշեցնենք, որ Ադրբեջանի պաշտպանության նախարար Զաքիր Հասանովի հրամանով՝ Պաշտպանության նախկին նախարար Սաֆար Աբիևին ու ևս 6 գեներալի ուղարկել են պահեստազոր:
