Ուկրաինայի Գերագույն ռադան Ղրիմի Գերագույն ռադան ցրելու հարցը կդիտարկի այս շաբաթ
Ուկրաինական UNIAN լրատվական գործակալության փոխանցմամբ՝ «ՈՒԴԱՌ» կուսակցության առաջնորդ Վիտալի Կլիչկոն Խարկովում լրագրողների հետ զրույցում հայտարարել է, որ ընթացիկ շաբաթ իրենք նախաձեռնելու են Ղրիմի Գերագույն ռադայի ցրումը:
Կլիչկոն հավելել է, որ ավելի ուշ հայտնի կդառնա նմանատիպ հարցերի ծավալուն ցանկը, որն այս շաբաթ պատրաստվում է դիտարկել Ուկրաինայի Գերագույն ռադան: Կլիչկոն մանրամասնել է, որ հարցերի հստակեցումը տեղի կունենա Հաշտեցման խորհրդի այսօրվա նիստի արդյունքներով:
