Արագածոտնի մարզպետը՝ իր տան նկուղում տեղադրված գազի բալոնների մասին. Panorama.am
«Դեպքը կիսակառույց տանն է եղել, որտեղ չորս տարի է շինարարություն է ընթանում, նույնիսկ ավարտին էլ չենք հասցրել. նկուղային հարկի պատուհանը կոտրել են, ինչ-որ գազի բալոններ են տեղադրել` մի հատը հորիզոնական, մյուսն էլ անմիջապես տակը ու երևի փորձել են վառել, չգիտեմ»,- Panorama.am-ի հետ զրույցում ասել է Արագածոտնի մարզպետ Սարգիս Սահակյանը:
Նշենք, որ առավոտյան մամուլում շրջանառվեց, որ մարզպետին պատկանող Աշտարակի կիսակառույց տանը արտակարգ իրավիճակ է, այնտեղ են ժամանել ոստիկաններ և ԱԻՆ աշխատակիցներ, քանի որ տանը անհայտ սարքեր ու բալոններ են հայտնաբերվել:
Ս.Սահակյանն ասել է , որ հավանաբար, դա միտումնավոր արված է, քանի որ կիսակառույցում հիմա աշխատանքներ չեն տարվում, որ մտածի, թե բալոններն ու մնացածը արհեստավորներն են թողել:
«Արհեստավորները չեն, այնտեղ արհեստավորներ հիմա չեն աշխատում… բայց չեմ էլ կարող հստակ ասել, թե միտումնավոր արված է ու առավել ևս ինչ նպատակով: Դա ոստիկանությունը կասի, ահազանգել ենք, ես էլ հիմա աշխատավայրում եմ»,- նշել է նա:
Մանրամասներն` այստեղ
