Ջեյմս Ուորլիքը մեկնել է Թուրքիա. APA
Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի ամերիկացի համանախագահ Ջեյմս Ուորլիքը մեկնում է Թուրքիա: Այս մասին նա գրել է Twitter-ի իր միկրոբլոգում. «Այսօր մեկնում եմ Անկարա: Անհամբերությամբ եմ սպասում լսել Թուրքիայի դիրքորոշումը»:
Նշվում է, որ ԵԱՀԿ Մինսկի խմբի համանախագահները փետրվարի սկզբին վերստին այցելել էին Երևան ու Բաքու, ինչից հետո հայտարարություն էին տարածել, որում ընդգծել էին, որ մտադիր են շարունակել հակամարտության կարգավորման աշխատանքը և այդ նպատակով կազմակերպել բարձր մակարդակի հանդիպումներ:
Հիշեցնենք, որ սրանից առաջ էլ Ուորլիքը Twitter-ի իր միկրոբլոգում գրել էր, որ ժամանակն է վերականգնել լիարժեք բանակցությունները` նկատի ունենալուց դրանց Լեռնային Ղարաբաղի անմիջական մասնակցությունը:
