ԵՄ-ը Վրաստանին առաջարկել է մասնակցել ԿԱՀ-ում իրականացվող ռազմական գործողությանը
Грузия Online-ի փոխանցմամբ՝ ԵՄ-ը Վրաստանին առաջարկել է մասնակցել ԿԱՀ-ում տարվող ռազմական գործողությանը: Վրաստանի կառավարությունն այժմ դիտարկում է այդ առաջարկը: Այս մասին լրագրողների հետ զրույցում հայտարարել է Վրաստանի պաշտպանության նախարար Իրակլի Ալասանիան:
Նա խոստացել է ԶԼՄ-ներին իրազեկել, թե Վրաստանի կառավարությունն ինչպիսի որոշում է ընդունել այդ կապակցությամբ. «Նման խնդրանքով Վրաստանին դիմել է ԵՄ-ը: Մեր զինված ուժերը դրա համար ունեն շատ մեծ փորձ, բարձր պրոֆեսիոնալիզմ ու մարտական պատրաստություն»:
Նշվում է, որ Վրաստանը ԵՄ-ի՝ ճգնաժամային իրավիճակների կարգավորման օպերացիաներին մասնակցելու շրջանակային համաձայնագիրը ստորագրել է նախորդ տարվա նոյեմբերի 29-ին, Վիլնյուսում: Փաստաթուղթը ստորագրել էին Վրաստանի արտգործնախարար Մայա Փանջիկիձեն և ԵՄ-ի դիվանագիտության ղեկավար Քեթրին Էշթոնը:
