Արարատի մարզի Գետափնյա գյուղում տուն է փլուզվել
Փետրվարի 16-ին, ժամը 18.55-ին ահազանգ է ստացվել, որ Արարատի մարզի Գետափնյա գյուղի 7-րդ փողոցի տներից մեկի սենյակներից մեկը փլուզվել է. տուժածներ չկան:
Դեպքի վայր է մեկնել ՃԿԿ ԱԻ օպերատիվ խումբը: Պարզվել է, որ փլուզվել են Լ. Խ.-ին պատկանող տան 4 կառուցատարրեր (սյուներ) և մեկ հենասյուն. առկա է տան առաստաղի փլուզման վտանգ: Քաղաքացուն առաջարկվել է չգիշերել տանը, մինչ կստեղծվի հանձնաժողով վնասի չափերը ճշտելու և գնահատելու համար:
Արտակարգ իրավիճակների նախարարություն
