Մերկելը որոշել է հանդիպել ուկրաինական ընդդիմության առաջնորդների հետ. Bild
Գերմանական Bild պարբերականի փոխանցմամբ՝ Գերմանիայի կանցլեր Անգելա Մերկելը մտադիր է հանդիպել ուկրաինական ընդդիմության առաջնորդների՝ «ՈՒԴԱՌ» կուսակցության առաջնորդ Վիտալի Կլիչկոյի ու «Բատկիվշչինա» խմբակցության ղեկավար Արսենիյ Յացենյուկի հետ:
Պարբերականի տվյալներով՝ այդ հանդիպումը տեղի է ունենալու փետրվարի 18-ին, Բեռլինում: Պաշտոնապես այս տեղեկատվությունը դեռ չի հաստատվել: Պարբերականն ընդգծում է, որ Գերմանիայի կանցլերն առաջին անգամ բաց կերպ միջամտում է Ուկրաինայի ներքին հակամարտությանը:
Ավելի վաղ Մերկելը քանիցս հեռախոսազրույց է ունեցել Ուկրաինայի նախագահ Վիկտոր Յանուկովիչի հետ և նրան զգուշացրել է զերծ մնալ բողոքի ակցիաների մասնակիցների նկատմամբ ուժ կիրառելուց:
