Վրաստանում նույնպես ապօրինի գաղտնալսումներ են իրականացվել. օրենքը խստացվում է
Վրաստանի կառավարությունը փոփոխություններ է նախաձեռնել Քրեական օրենսգրքում, որով խստացվում է քաղաքացիների անձնական կյանքին վերաբերող ապօրինի տեսանկարահանումների եւ ձայնագրությունների համար քրեական պատասխանատվությունը, հաղորդում է «Ինտերֆաքսը»:
Ներքին գործի նախարար Ալեքսանդր Չիկաիձեն ասել է, որ վերջին տարիներին հատուկ ծառայությունների կողմից կատարվել են մարդկանց անձնական կյանքի վերաբերյալ ապօրինի գաղտնալսումներ: Նման դեպքերում օրենքը նախատեսել է երեք տարվա ազատազրկում, նոր փոփոխություններով պատժաչափը խստացվում է, սահմանվում է յոթ տարվա ազատազրկում:
