Թոնի Բլերը ժամանել է Կահիրե
Al-Masry Al-Youm պորտալի փոխանցմամբ՝ Մերձավոր Արևելքի գծով միջազգային միջնորդների «քառյակի» (ԵՄ, ՄԱԿ, Ռուսաստան, ԱՄՆ) հատուկ ներկայացուցիչ Թոնի Բլերը Փարիզից մասնավոր ինքնաթիռով ժամանել է Կահիրե: Նրա այցը տևելու է մի քանի ժամ:
Այդ ընթացքում Մեծ Բրիտանիայի նախկին վարչապետը հանդիպումներ է ունենալու Եգիպտոսի ղեկավարության հետ և քննարկելու է տարածաշրջանում տիրող իրավիճակը, պաղեստինա-իսրայելական հակամարտության կարգավորման հարցը, ինչպես նաև ահաբեկչության ու կրոնական ծայրահեղականության դեմ պայքարի հարցերը:
