Ներդրողների մոտ վստահություն կա ՀՀ հանդեպ. Դավիթ Սարգսյան
ՀՀ ֆինանսների նախարար Դավիթ Սարգսյանն այսօր լրագրողերի հետ հանդիպմանը ամփոփելով նախորդ տարի կատարված աշխատանքը, դրական գնահատեց եվրապարտատոմսերի թողարկումը (700 մլն դոլար ծավալով, 6.25% եկամտաբերությամբ, 7 տարի ժամկետով):
Ըստ նրա՝ սա առաջին քայլն է կապիտալի շուկայում, և պարտատոմսերի հանդեպ պահանջարկը մեծ է եղել, ինչը վկայում է, որ ներդրողների մոտ վստահություն կա ՀՀ հանդեպ: Դ.Սարգսյանի խոսքով՝ եվրապարտատոմսերի եկամտաբերությունը նվազում է, ինչը դրական ազդեցություն կունենան ֆինանսական շուկայում բանկերի տոկոսադրույքների հետ կապված և տարվա ընթացքում փոփոխություններ կլինեն:
