Սիրիայում ադրբեջանցի զինյալ է սպանվել
Ադրբեջանական APA լրատվական գործակալության փոխանցմամբ՝ մոջահեդները տարածել են Սիրիայում սպանված հերթական ադրբեջանցու լուսանկարը: Նշվում է, որ «Մուհամմեդ» մականվամբ հայտնի ադրբեջանցուն սպանել են Սիրիայի նախագահ Բաշար Ասադի կողմնակիցները:
Միևնույն ժամանակ չի հաղորդվել սպանվածի անունը և այն, թե որ շրջանից է նա: Սիրիական հակամարտության ընթացքում այդ երկրում սպանվել է մոտ 100 ադրբեջանցի: Նրանցից շատերի լուսանկարները տարածվում են մոջահեդների կայքերում և տարբեր սոցցանցերում:
Հիշեցնենք, որ սրանից առաջ հաղորդվել էր, որ Ադրբեջանում Թուրքիայի դեսպանատան մամլո քարտուղար Էլսևեր Սալմանլըն հայտարարել է, որ Անկարան կանխելու է թուրքական տարածքով Սիրիա ներթափանցելու ադրբեջանցիների փորձերը:
