Սնոուդենը պարզաբանել է, թե ինչն է իրեն դրդել բացահայտել NSA-ի լրտեսական գործունեությունը
Գերմանական NDR հեռուստաալիքին տված հարցազրույցի ժամանակ ԱՄՆ հատուկ ծառայությունների նախկին աշխատակից Էդվարդ Սնոուդենը պարզաբանել է, թե ինչն է իրեն դրդել ԱՄՆ Ազգային անվտանգության գործակալության (NSA) լրտեսական գործունեությունը բացահայտելու քայլին.
«Ես կասեմ, որ ինձ համար բեկումնային պահը վրա հասավ այն ժամանակ, երբ ես տեսա, թե ինչպես է ԱՄՆ ազգային հետախուզության ղեկավար Ջեյմս Կլեպերը սուտ երդում տալիս Կոնգրեսի առջև:
Չկա փրկություն հատուկ ծառայության համար, որը կարծում է, որ կարող է խաբել հասարակությանն ու օրեսնդիրին: Երբ ես տեսա դա, ինձ համար ակնհայտ դարձավ, որ այլևս չեմ վերադառնա: Չկար որևէ կասկած»:
Սնոուդենը նաև վստահություն է հայտնել, որ ԱՄՆ-ի հատուկ ծառայությունների ու Պենտագոնի աշխատակիցները ցանկացել են սպանել իրեն: Նշվում է, որ Սնոուդենի ու NDR-ի լրագրողների հանդիպումը հունվարի 22-ին Մոսկվայում անցկացվել է գերգաղտնի պայմաններում:
