Հայտնի են դարձել «Գրեմի» 56-րդ մրցանակաբաշխության հաղթողները

Lenta.ru-ի փոխանցմամբ՝ Լոս Անջելեսում անցկացվել է Grammy երաժշտական մրցանակաբաշխության 56-րդ արարողությունը: Ֆրանսիական էլեկտրոնային Daft Punk դուետը հաղթել է 4 անվանակարգում՝ «տարվա ձայնագրություն» (Get Lucky սինգլ), «տարվա ալբոմ», «տարվա էլեկտրոնային ալբոմ» (Random Access Memories) և «լավագույն փոփ կատարում»:

Տարվա երգ է ճանաչվել նորզելանդացի երգչուհի Լորդի (Lorde) Royals երգը: «Տարվա ռոք երգ» անվանակարգում հաղթել է Փոլ Մաքքարթնիի, Դեյվ Գրոլի, Քրիստ Նովոսելիչի ու Փեթ Սմիրի Cut Me Some Slack երգը: Լավագույն ռոք ալբոմ է ճանաչվել Led Zeppelin ռոք խմբի Celebration day-ը: «Տարվա այլընտրանքային ալբոմ» անվանակարգում հաղթել է Modern Vampires of the City-ն:

Լավագույն ռէպ ալբոմ է ճանաչվել Macklemore & Ryan Lewis-ի The Heist ալբոմը: Նրանք նաև դարձել են «տարվա ռէպ երգ» անվանակարգի հաղթողներ: Տարվա տեսահոլովակ է դարձել Ջասթին Թիմբերլեյքի ու Ջեյ Զիի Suit & Tie երգը: Թիմբերլեյքը հաղթել է նաև «տարվա r’n’b երգ» անվանակարգում (Pusher Love Girl):