Շվեդիայի արտգործնախարար Կարլ Բիլդտը մեկնելու է Թեհրան
Իրանական Fars լրատվական գործակալության փոխանցմամբ՝ Շվեդիայի արտգործնախարար Կարլ Բիլդտը մեկնելու է Թեհրան: Այս մասին Facebook-ի իր էջում գրել է Իրանի արտգործնախարար Մոհամմադ Ջավադ Զարիֆը: Նա ընդգծել է, որ շաբաթվա վերջին մեկնելու է Գերմանիա՝ մասնակցելու համար Մյունխենի անվտանգության կոնֆերանսին:
Զարիֆը հավելել է, որ Մյունխենից վերադառնալիս իր հետ Թեհրան են ժամանելու Շվեդիայի ու Մեքսիկայի արտգործնախարարները: Զարիֆի խոսքերով՝ Իրան է այցելելու նաև ՄԱԿ-ի գլխավոր նախկին քարտուղար Քոֆի Անանի գլխավորած պատվիրակությունը:
Ակնկալվում է, որ այս շաբաթ Թեհրան է այցելելու նաև Թուրքիայի վարչապետ Ռեջեփ Էրդողանը:
