Դոլարը կատաղության նշաններ է ցույց տալիս

Այսօր՝ հունվարի 24-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում ամերիկյան դոլարի միջին փոխարժեքը կազմել է 409.53 դրամ։ Երեկվա համեմատ դոլարը թանկացել է  0.25%-ով կամ 1.03 դրամով։ Բորսայում վաճառվել է ընդհանուր առմամբ 3 միլիոն 100 հազար դոլար։  Կանխիկ արտարժույթի շուկայում դոլարի առքի միջին գինը կազմում է  408 դրամ, վաճառքինը՝ 411 դրամ: Փաստորեն, շաբաթվա ընթացքում դոլարի վերելքը կանգ չառավ։ Յոթ օրվա կտրվածքով դոլարը թանկացել է 3.2 դրամով. հունվարի 17-ին ամերիկյան արժույթի միջին փոխարժեքը 406.3 դրամ էր։