«Եվրամայդանը» որոշում է ընդունել Յանուկովիչի հետ բանակցությունները դադարեցնելու մասին
Эспресо TV հեռուստաալիքի փոխանցմամբ՝ ուկրաինական ընդդիմության առաջնորդներ Վիտալի Կլիչկոն ու Օլեգ Տյագնիբոկը հայտարարել են, որ նախագահ Վիկտոր Յանուկովիչի հետ բանակցությունների արդյունքներով պայմանավորվածության են եկել զինադադարի մասին:
Կողմերը կդադարեցնեն ուժի կիրառումը, իսկ ՆԳՆ-ն ազատ կարձակի բողոքի ակցիայի ժամանակ ձերբակալած մարդկանց: Սակայն ցուցարարներն ընդդիմության հայտարարությունն ընդունել են ոչ միանշանակ: Նրանք պահանջել են շարունակել ակտիվ դիմակայությունը, մյուսները կոչ են արել ականջալուր լինել խորհուրդներին:
Կլիչկոն ժողովրդավարական երկրներին կոչ է արել ուժեղացնել Յանուկովիչի վրա ճնշումները: Միևնույն ժամանակ «Եվրամայդանի» տասնյակ հազարավոր մասնակիցներ որոշում են ընդունել իշխանությունների հետ բանակցությունները դադարեցնելու և «Մայդանի» տարածքն ընդլայնելու մասին: Դա իրականացվել է քվեարկության միջոցով:
