ԵՄ-ի անուշադրությունը կդառնա յուրօրինակ դավաճանություն «Մայդանում» հավաքվածների նկատմամբ. Շուլց
Deutschlandfunk պարբերականին տված հարցազրույցի ժամանակ Եվրոպական խորհրդարանի նախագահ Մարտին Շուլցը հայտարարել է, որ ԵՄ-ը պետք է դիտարկի Ուկրաինայում քաղաքական դիմակայության կարգավորման հարցում միջնորդական առաքելություն իրականացնելու հնարավորությունը, նախքան այդ երկրի դեմ պատժամիջոցների սահմանելու հարցի դիտարկումը.
«Պատժամիջոցների մասին խոսելուց առաջ մենք պետք է մտածենք այն մասին, թե արդյոք կարո՞ղ ենք մենք միջնորդ ուղարկել այդ երկիր»: Շուլցը հիշեցրել է, որ տարիներ առաջ այդպիսի միջնորդությամբ հանդես են եկել Խավիեր Սոլանան և Ալեքսանդր Կվասնևսկին:
Շուլցը նկատել է, որ Ուկրաինայի հանդեպ ԵՄ-ի կողմից ուշադրության բացակայությունը մեկուսացման մեջ է թողնում ուկրաինական ընդդիմությանը և կվերածվի յուրօրինակ դավաճանության «Մայդանում» հավաքված մարդկանց հանդեպ.
«Եթե ԵՄ-ը դադարեցնի Ուկրաինայի հետ խոսելը, ընդդիմությունը կմնա մեկուսացման մեջ: Դրա համար էլ ես խորհուրդ եմ տալիս դիտարկել երկխոսությունը շարունակելու միջոցները»:
Հիշեցնենք, որ սրանից առաջ հաղորդվել էր, որ ԵՄ-ը կարող է դադարեցնել Ուկրաինայի հետ իր պաշտոնական շփումները:
