ԵՄ-ը կարող է պատժամիջոցներ սահմանել Ուկրաինայի նկատմամբ. Բառոզու
Թուրքական РИА Новости լրատվական գործակալության փոխանցմամբ՝ Եվրահանձնաժողովի ղեկավար Ժոզե Մանուել Բառոզուն հայտարարել է, որ Ուկրաինայի վերջին իրադարձությունները կարող են հանգեցնել ԵՄ-ի կողմից պատժամիջոցների սահմանման և ներազդել Բրյուսելի ու Կիևի փոխհարաբերությունների վրա.
«Մենք մտահոգված ենք Ուկրաինայի իրադարձությունների կապակցությամբ և շարունակում ենք ակնդետ հետևել իրավիճակին, ինչպես նաև դիտարկում ենք ԵՄ-ի կողմից հնարավոր միջոցների հարցը և գնահատում ենք, թե ինչպիսի հետևանքներ այն կարող է ունենալ մեր հարաբերությունների վրա»:
Բառոզուն ընդգծել է, որ իրեն ցնցել են Ուկրաինայից ստացված լուրերը, որոնցում խոսք է գնացել ցուցարարների զոհվելու մասին: Բառոզուն Ուկրաինայի իշխանություններին կոչ է արել միջոցներ ձեռնարկել լարվածության թուլացման ուղղությամբ: Բառոզուն տեղի ունեցածի պատասխանատվությունը դրել է Ուկրաինայի իշխանությունների վրա:
Հիշեցնենք, որ ԱՄՆ պետդեպարտամենտն արդեն իսկ պատժամիջոցներ է սահմանել Ուկրաինայի մի շարք քաղաքացիների հանդեպ:
