Սիրիական հակամարտությունը երեք տարում վերաճել է միջդավանաբանական պատերազմի. Հորդանանի արտգործնախարար
Ռուսական РИА Новости լրատվական գործակալության փոխանցմամբ՝ Սիրիայի ներքին հակամարտությունը երեք տարում չկարգավորվելուց հետո վերաճել է միջդավանաբանական պատերազմի և սպառնում է ողջ տարածաշրջանին: Այս մասին այսօր «Ժնև 2» կոնֆերանսի ժամանակ հայտարարել է Հորդանանի արտգործնախարար Նասեր Ջաուդան.
«Երեք տարի շարունակվող հակամարտությունը ու դրա կարգավորման որևէ հեռանկարի բացակայությունը հանգեցրել են իրական միջդավանաբանական պատերազմի, որը սպառնում է ողջ տարածաշրջանին:
Սիրիական հակամարտությունը պետք է կարգավորվի քաղաքական ճանապարհով՝ հենվելով անցումային իշխանությունների ձևավորման վրա: Միջազգային մեծ կոնֆերանսը կարող է հակամարտող կողմերին օգնել գալ խաղաղ որոշման»:
