Ավտոմեքենան թեքվել է դեպի ձորը. քաղաքացին մնացել է ներսում
Հունվարի 21-ին, ժամը 18.24-ին ահազանգ է ստացվել, որ Մ-12 միջպետական ավտոճանապարհի Գորիս-Ստեփանակերտ հատվածի 8-րդ կմ-ում «Վազ-2121» մակնիշի ավտոմեքենան դուրս է եկել ավտոճանապարհի երթևեկելի հատվածից և թեքվել դեպի ձորը, քաղաքացին մնացել է ներսում. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Հրշեջ-փրկարարները «Վազ-2121» մակնիշի 02ՕԼ199 պ/հ ավտոմեքենան (վարորդ` Ա. Ն., ծնված 1974 թ.) դուրս են բերել ավտոճանապարհի երթևեկելի հատված:
