ԱՄՆ-ը պատրաստ է Ձմեռային օլիմպիական խաղերի ժամանակ իր ռազմանավերը մոտեցնել Սոչիին
Fox News-ի փոխանցմամբ՝ ԱՄՆ-ը հայտարարել է, որ պատրաստ է Սև ծովում տեղակայել երկու ռազմանավ: Խոսքը գնում է անվտանգության ոլորտում Ռուսաստանին ԱՄՆ-ի ցուցաբերած աջակցության մասին՝ կապված Սոչիում կայանալիք Ձմեռային օլիմպիական խաղերի անցկացման հետ:
Պենտագոնը երեկ հայտարարել է, որ եթե ռուսական իշխանությունները դիմեն իրենց, ապա ամերիկյան ռազմանավերը Սոչիի շրջանում կմոտենան ծովափին: Պենտագոնն ընդգծել է, որ ռուսական կողմից նման դիմում դեռ չի ստացվել:
Հիշեցնենք, որ ամերիկացի կոնգրեսականները երեկ ՌԴ-ին մեղադրել են Սոչիում սպառնալիքների մասին տեղեկատվությունը քողարկելու մեջ՝ ընդգծելով, որ Սոչիի Օլիմպիական խաղերին պատրաստվում է այցելել մոտ 15.000 ամերիկացի, և իրենք ցանկանում են համոզվել, որ օլիմպիական խաղերը կանցնեն բարեհաջող ու անվտանգ»:
