Թուրքիայի ու Վրաստանի նախագահների հանդիպումից առաջ գրանցվել է միջադեպ (լուսանկարներ)

Грузия Online-ի փոխանցմամբ՝  Վրաստանի նախագահի մամլո քարտուղար Սոֆո Ջանջանաշվիլիին վիրավորել են նախագահ Գեորգի Մարգվելաշվիլիի պաշտոնական թուրքական այցի ժամանակ:

«Չանքայա» նախագահական նստավայրի ընդունարանում Ջանջանաշվիլիի վրա հարձակվել է մի կին՝ պատճառելով ֆիզիկական վնասվածք: Միջադեպի մանրամասները հայտնի չեն: Առկա տեղեկատվության համաձայն, Ջանջանաշվիլիին տեղափոխել են հիվանդանոց: Նա հաստատել է, որ հարձակման է ենթարկվել:

Թուրքական ԶԼՄ-ների տվյալներով՝ անհայտ կինը գտնվել է ընդունարում և մտադիր է եղել Թուրքիայի նախագահ Աբդուլլահ Գյուլին փոխանցել իր խնդրանքը: Նշվում է, որ կինն ունեցել է հոգեկան խնդիրներ: