Օբաման ստորագրել է ԱՄՆ-ի դաշնային բյուջեի ֆինանսավորման մասին օրենքը
Ռուսական РИА Новости լրատվական գործակալության փոխանցմամբ՝ ԱՄՆ նախագահ Բարաք Օբաման ստորագրել է մինչև սեպտեմբերի վերջ (ընթացիկ ֆինանսական տարվա ավարտ) ԱՄՆ դաշնային բյուջեի ֆինանսավորման մասին օրենքը: Այս մասին հայտարարել է ԱՄՆ նախագահի մամլո քարտուղար Ջեյ Քարնին:
Օրենքով նախատեսվում է մինչև սեպտեմբերի 30-ը կառավարությանը ֆինանսավորել 1.1 տրիլիոն դոլարով: Ավելի վաղ այդ օրինագծերը հաստատվել են Կոնգրեսի երկու պալատների կողմից:
Նշվում է, որ վերջին 4 տարիներին ԱՄՆ կոնգրեսը դժվարությունների է հանդիպում բյուջեի հաստատման հարցում, ինչի պատճառը դեմոկրատների ու հանրապետականների միջև տևական լուրջ տարաձայնություններն են:
