
Իրաքում երեկվա ահաբեկչությունների հետևանքով զոհվել է առնվազն 75 մարդ

Բրիտանական Reuters լրատվական գործակալության փոխանցմամբ՝ Իրաքում երեկ իրականացվել են մի շարք ահաբեկչություններ, որոնց հետևանքով զոհվել է առնվազն 75 մարդ: Դրանցից խոշորագույնը գրանցվել է Բակուբա քաղաքից ոչ հեռու ընկած Բուհրիզ գյուղում:
Այստեղ հուղարկավորության ժամանակ մահապարտ-ահաբեկիչը ներթափանցել է մարդկանց մեջ և պայթեցրել է իրեն, ինչի հետևանքով զոհվել է 18 մարդ: Բաղդադի շիական թաղամասերում պայթեցվել է պայթուցիկով լի 6 ավտոմեքենա: Երեկվա ահաբեկչությունների հետևանքով վիրավորվել է ավելի քան 94 մարդ: