Հունվարի 15-ը «Վիքիպեդիայի» օրն է

Դու նո՞ւյնպես Վիքիպեդիայի ընթերցող ես։ Եթե դուք նույնպես խմբագրում  կամ ցանկանում եք խմբագրել, ապա «Վիքիմեդիա Հայաստանի» գրասենյակը հունվարի 15-ին հրավիրում է նշելու «Վիքիպեդիայի» ծննդյան օրը։ Այս մասին 168.am-ը տեղեկանում է «Վիքիմեդիա Հայաստանի» գրասենյակից: Միջոցառման մանրամասներին կարող եք ծանոթանալ այստեղ:

Տեղեկացնենք, 2001 թվականի հունվարի 15-ին Ջիմի Ուելսը և Լարի Սանգերը ստեղծեցին «Վիքիպեդիա» հանրագիտարանը։ Մինչ այդ նրանք ստեղծել էին մեկ այլ հանրագիտարան՝ «Նուպեդիան», որը, սակայն, այդպես էլ հաջողության չհասավ։ «Նուպեդիան» փակ հանրագիտարան էր․ բովանդակությունը վերահսկում էր գիտնականներից կազմված հանձնաժողովը։ Ի տարբերություն իր նախորդի, «Վիքիպեդիան» պատկանում է հանրությանը, «Վիքիպեդիան» զարգացնում ու վերահսկում են նրա ընթերցողները։ Բացի այդ, այստեղ բոլոր հոդվածները գտնվում են ազատ արտոնագրի ներքո, այնպես որ, ոչ ոք չի կարող ասել, թե դրանք իրեն են պատկանում։