ԱԷՄԳ-ի ներկայացուցիչներն Իրան կժամանեն հունվարի 18-ին
Իրանական IRNA լրատվական գործակալության փոխանցմամբ՝ ԱԷՄԳ-ի ներկայացուցիչներն Իրան կժամանեն հունվարի 18-ին, ինչը կհամապատասխանի Իրանի ու «Վեցյակի» միջև ձեռք բերված պայմանավորվածություններին: Այս մասին հայտարարել է Իրանի Ատոմային էներգիայի կազմակերպության ներկայացուցիչ Բեհրուզ Քամալվանդին:
Վերջինիս խոսքերով՝ ներկայումս կողմերը շարունակում են բանակցել իրանական միջուկային օբյեկտներում ԱԷՄԳ-ի ներկայացուցիչների կողմից ստուգումներ անցկացնելու շուրջ: Նախորդ տարվա նոյեմբերին ձեռք բերված ժնևյան պայմանավորվածությունների իրագործման առաջին փուլը մեկնարկելու է հունվարի 20-ին:
Առաջին փուլը տևելու է 6 ամիս, այն կոչված է վերացնելու Իրանի միջուկային ծրագրի հետ կապված «Վեցյակի» առաջնահերթ մտահոգությունների վերացմանը: Դրա դիմաց ԱՄՆ-ն ու ԵՄ-ը պետք է մեղմացնեն Իրանի հանդեպ սահմանված պատժամիջոցները:
