Թուրքիայի Գլխավոր շտաբը հայտարարություն է տարածել՝ կապված վերջին օրերի զարգացումների հետ
Թուրքական Radikal թերթի փոխանցմամբ՝ Թուրքիայի զինված ուժերի Գլխավոր շտաբը հայտարարություն է տարածել՝ կապված վերջին օրերի զարգացումների հետ: Հայտարարությունը բաղկացած է 6 կետից:
Դրանում ընդգծվում է իրավական պետության ու ժողովրդավարական հասարակության պահպանման անհրաժեշտությունը, և որ վերջին օրերին տարվող հետաքննությունը կարևոր տեղ է զբաղեցնում երկրի օրակարգում: Գլխավոր շտաբն ընդգծել է, որ չի միջամտում քաղաքական վերջին զարգացումներին, սակայն ակնդետ հետևում է դրանց ընթացքին:
Հիշեցնենք, որ ավելի վաղ Գլխավոր շտաբը 4 անգամ (1960, 1971, 1980, 1997) տապալել է գործող կառավարություններին:
