ԵՄ-ն Էրդողանին կոչ է արել չմիջամտել ոստիկանության գործողություններին
The Telegraph-ի փոխանցմամբ՝ ԵՄ-ը զգուշացրել է Թուրքիայի վարչապետ Ռեջեփ Էրդողանին՝ դադարեցնելու համար բարձրաստիճան պաշտոնյաների նկատմամբ հակակոռուպցիոն հետաքննություն անցկացնելու հարցում սեփական միջամտությունը:
ԵՄ-ի ընդլայնման ու հարևանության քաղաքականության հարցերով հանձնակատար Շտեֆան Ֆյուլեի մամլո քարտուղար Փիթեր Ստանոն հայտարարել է, որ Էրդողանն ուղղակիորեն խախտում է ԵՄ-ի նորմերը, որոնք երաշխավորում են դատական համակարգի անկախություն, ինչը հանդիսանում է առանցքային պայման՝ ԵՄ-ին Թուրքիայի անդամակցության համար.
«Վերջին իրադարձությունները, այդ թվում նաև ոստիկանության բարձրաստիճան անձանց պաշտոնանկ անելը և տարվող հետաքննության մասին իշխանություններին իրազեկելու մասին ոստիկանությանը տրված հրահանգը հարուցում են լուրջ մտահոգություն՝ կապված հետաքննության անկախության, արդյունավետության ու անկողմնակալության և իշխանական տարբեր ճյուղերի տարանջատման սկզբունքի հետ»:
