Յանուկովիչը ներում է շնորհել եվրամայդանի բոլոր մասնակիցներին
Ուկրաինայի նախագահ Վիկտոր Յանուկովիչն այսօր ստորագրել է օրենքը, որը քրեական եւ վարչական պատասխանատվությունից ազատում է եվրամայդանի մասնակիցներին, հաղորդում է ՌԻԱ Նովոստին:
Յանուկովիչի գրասենյակից հայտնել են, որ օրենքն ստորագրվել է նույն խմբագրմամբ, ինչպես ներկայացվել էր նախագահի աշխատակազմ:
Նշված օրինագիծը խորհրդարանն ընդունել էր անցած շաբաթ: Փաստաթղթով, մասնավորապես, նախատեսվում է ազատ արձակել նոյեմբերի 21-ից եվրամայդանի բոլոր ձերբակալված մասնակիցներին: Նախատեսված է նաեւ, որ նրանց դեմ հարուցված քրեական բոլոր գործերը կդադարեցվեն:
