Հետաձգվել է Գեորգի Մարգվելաշվիլիի ադրբեջանական այցը. աղբյուր

Ադրբեջանական Trend լրատվական գործակալության փոխանցմամբ՝ հետաձգվել է Վրաստանի նախագահ Գեորգի Մարգվելաշվիլիի այցն Ադրբեջան: Այս մասին գործակալությանը հայտնել է նրա դիվանագիտական աղբյուրը:

Ավելի վաղ դիվանագիտական աղբյուրը հայտնել էր այս շաբաթ Վրաստանի նախագահի ադրբեջանական հնարավոր այցի մասին: Պլանավորված էր, որ այցի ընթացքում կողմերը քննարկելու էին երկկողմ ու տարածաշրջանային համագործակցության հարցը: Մարգվելաշվիլիի ադրբեջանական այցի հետաձգման պատճառները մնում են անհայտ: