ԵՄ-ը ցանկանում է Վրաստանի ու Մոլդովայի հետ Ասոցացման համաձայնագրեր ստորագրել մինչև 2014 թվականի օգոստոսը
Ռուսական РИА Новости լրատվական գործակալության փոխանցմամբ՝ ԵՄ-ը ցանկանում է մինչև հաջորդ տարվա օգոստոս Ասոցացման համաձայնագրեր ստորագրել Վրաստանի ու Մոլդովայի հետ:
Այս մասին ԵՄ-ի երկրների ղեկավարների գագաթաժողովի արդյունքներով տեղի ունեցած մամուլի ասուլիսի ժամանակ հայտարարել է Եվրախորհրդի ղեկավար Հերման վան Ռոմպեյը.
«Մոլդովայի ու Վրաստանի քաղաքացիներին կիսում է ԵՄ-ին ավելի մոտ կանգնած լինելու ցանկությունը: Մենք ցանկանում ենք արագացնել նրանց հետ համաձայնագրեր ստորագրելը, դա անել օգոստոսից ոչ ուշ»:
Վրաստանն ու Մոլդովան այս տարվա նոյեմբերի 28-29-ին Վիլնյուսում տեղի ունեցած «Արևելյան գործընկերության» գագաթաժողովի ժամանակ Ասոցացման համաձայնագրեր են նախաստորագրել ԵՄ-ի հետ:
