Վիտալի Կլիչկոն նախագահ առաջադրվելու վերջնական որոշում է կայացրել
Ուկրաինական ընդդիմադիր «ՈւԴԱՌ» կուսակցության ղեկավար Վիտալի Կլիչկոն հայտարարել է, որ Ուկրաինայի նախագահի պաշտոնում առաջադրվելու իր որոշումը վերջնական է: «Ես արդեն որոշել եմ` առաջադրվելու եմ նախագահական ընտրություններում»,-երկուշաբթի հայտարարել է նա, հաղորդում է interfax գործակալությունը:
Կլիչկոն համոզմունք է հայտնել, որ ընդդիմությունը պետք է միասնական թեկնածու առաջադրի: «Միայն ուժերը համախմբելով մենք հնարավորություն կունենանք դիմակայել գործող իշխանություններին»,-հայտարարել է նա:
Նա նաեւ ընդգծել է, որ կառավարության մասնակի փոփոխությունը չի լուծում երկրում քաղաքական ճգնաժամը եւ նշել է, որ վարչապետ Ազարովը պետք է հրաժարական տա: Կլիչկոյի խոսքով` ներկայիս Նախարարների կաբինետը պատասխանատվություն է կրում եվրաինտեգրման բանակցությունների տապալման եւ երկրում ստեղծված քաղաքական ճգնաժամի համար:
