Յանուկովիչը չի բացառել, որ պաշտոնանկ կարվեն Ասոցացման համաձայնագրի նախապատրաստմամբ զբաղված չինովնիկները
ZN.UA-ի փոխանցմամբ՝ Ուկրաինայի նախագահ Վիկտոր Յանուկովիչը հայտարարել է, որ ԵՄ-ի հետ Ասոցացման համաձայնագրի նախապատրաստման ժամանակ խախատվել են Ուկրաինայի ազգային շահերը: Յանուկովիչն այս մասին հայտարարել է «Միավորենք Ուկրաինան» խորագրով համազգային «կլոր սեղանի» ժամանակ:
Յանուկովիչի խոսքերով՝ պետք է հետաքննություն անցկացվի Ուկրաինայի ազգային շահերի խախտման կապակցությամբ. «Համաձայնագրի նախապատրաստմամբ զբաղված աշխատակիցները կարող են հեռացվել աշխատանքից: Դա իմ սկզբունքային դիրքորոշումն է»:
Նշվում է, որ «կլոր սեղանին» մասնակցում են Ուկրաինայի իշխանությունների, ընդդիմության, արհմիությունների, ուսանողական շարժումների ներկայացուցիչներ, փորձագետներ, արվեստագետներ ու մտավորականներ:
