Իսրայելն ու Մաքսային միությունը կարող են հաջորդ տարի համաձայնագիր ստորագրել ազատ առևտրի գոտու շուրջ
Ռուսական РИА Новости լրատվական գործակալության փոխանցմամբ՝ Իսրայելի արտգործնախարար Ավիգդոր Լիբերմանը հույս է հայտնել, որ Իսրայելի ու Մաքսային միության երեք երկրների (Ռուսաստան, Ղազախստան ու Բելառուս) միջև ազատ առևտրի գոտու ստեղծման մասին համաձայնագիրը կմշակվի և կստորագրվի 2014 թվականին:
Լիբերմանն այդ մասին գրել է Facebook-ի իր էջում: Լիբերմանն այս շաբաթ ժամանել էր Մոսկվա, ուր և մասնակցել էր Ռուս-իսրայելական միջկառավարական հանձնաժողովի նիստին՝ որպես դրա համանախագահ:
Լիբերմանը գոհունակություն է հայտնել ռուս-իսրայելական գործընկերային հարաբերությունների զարգացման կապակցությամբ՝ ընդգծելով, որ ազատ առևտրի գոտու մասին պայմանագիր ստորագրելն ազդանշան կհանդիսանա բիզնես-ընկերակցության համար:
