Արձակագիր Լևոն Խեչոյանի առողջական վիճակը ծանր է. անհրաժեշտ է օգնություն՝ նրան Հայաստան տեղափոխելու համար
Քիչ առաջ տեղեկություն է տարածվել համաձայն որի՝ արձակագիր Լևոն Խեչոյանի առողջական վիճակը ծանր է և անհրաժեշտություն կա նրան Գերմանիայից շտապ կերպով Հայաստան տեղափոխելու:
Մովսես Մանուկյանը ֆեյսբուքյան իր էջում գրել է.«Ցավոք, Գերմանիայում կյանքի սահմանագծին մաքառող Լևոն Խեչոյանի հետվիրահատական դրությունը օրհասական է:
Բժիշկները խորհուրդ են տալիս անկողնային վիճակում Լևոնին տեղափոխել Հայաստան, ինչը ընտանիքի հնարավորությունների սահմաններից դուրս է: Տեղեկության նպատակը իրավիճակի մասին պատկան մարմիններին իրազեկելն է:
Գերմանիայում բուժման կազմակերպման գործընթացին որևէ կերպ օժանդակություն չցուցաբերած ՀՀ Կառավարությունը, կարծում ենք, հիմա արագ ինչ-որ բան պետք է ձեռնարկի»:
