ԱԷՄԳ-ի փորձագետները վաղը տեսչական այցով կմեկնեն Արակ
Ռուսական РИА Новости լրատվական գործակալության փոխանցմամբ` ԱէՄԳը հաստատել է, որ իր փորձագետները տեսչական այցով Իրան են մեկնելու դեկտեմբերի 8-ին: Նրանց ուշադրության կենտրոնում է լինելու Արակի ծանր ջրով ռեակտորը: Այցը կայանում է իրանական կողմի հրավերի հիման վրա:
ԱէՄԳ-ի մամլո քարտուղար Ջիլ Թյուդորը հայտարարել է, որ Իրանն իրենց հրավիրել է դեկտեմբերի 8-ին, իրենք էլ ընդունել են այն: Նոյեմբերի 28-ին ԱէՄԳ-ի ղեկավար Յուկիա Ամանոն հայտարարել էր, որ Իրանից հրավեր է ստացվել դեկտեմբերի 8-ին Արակ այցելելու համար: Ավելի վաղ ԱէՄԳ-ն այդ օբյեկտը դասել էր խնդրահարույցների թվին:
