Արարատում այսօր քաղաքապետի ընտրություններ են
Արարատի մարզի Արարատ և Նշավան համայնքներում այսօր անցկացվող համայնքի ղեկավարի արտահերթ ընտրություններում առավոտյան ժամը 8.00-ին սահմանված կարգով բացվել են բոլոր ընտրական տեղամասերը, հայտնում են ԿԸՀ -ից:
Տեղամասային ընտրական հանձնաժողովների կազմերում ընդգրկված բոլոր քաղաքացիները առավոտյան մինչև ժամը 8.00-ը ներկայացել են տեղամասային կենտրոններ: Տեղամասային ընտրական հանձնաժողովներն ընդունում են ընտրողներին, քվեարկությունն ընթանում է բնականոն հունով: Ընտրական տեղամասերի բացման գործընթացին առնչվող որևէ դիտողություն, ահազանգ ներկայացված չէ:
Նշենք, որ հատկապես թեժ ընտրություններ են սպասվում Արարատ քաղաքում, որտեղ առաջադրվել են ԲՀԿ-ից Սամվել Բարսեղյանը, ով աշխատում է «Արարատ ցեմենտ» գործարանում՝ որպես արտադրության պետ, ՀՀԿ-ից՝ Հայկ Հայկյանը:
